過橋麵檔

营业中

休息中

山长水远嚟到元朗，同事介绍有间面档几好食，于是嚟咗过桥面档。后来openrice一下先发现原来元朗有两间同名嘅餐厅，距离都几近，唔知两间有无分别架呢﹖同事话呢度嘅霸王鸡出名，但我嫌午餐嚟讲略贵。本身谂住叫面食就算，点知比我地见到呢张午餐优惠。反正自己食量唔大，一于试下点样细份法。份量对女仔嚟讲适中，最有趣系佢将啲饭堆到好似金字塔咁。霸王鸡唔算辣，虽然带碎骨，但几惹味同嫩。菜饭嘅菜都算新鲜，饭粒软熟。随餐附送一杯饮品，就算叫百香果茶都唔洗加钱。至于我同事就叫咗咩𩠌都有啲啲嘅车仔面，望落几大份，同迷你霸王鸡差唔多价钱。