影片
更多
2011-11-15
458 浏览
1999年6月5日，喺台北敦化南路，开咗一间小店，名为「干杯」；至今，整个集团喺台湾，已经开设咗十五、六间分店，分开四个品牌，分别为充满活力和气氛嘅「干杯」，高档典雅嘅「老干杯」，放工后松一松嘅「干杯bar」，和以红酒代替啤酒嘅「红酒干杯」；系短短嘅十一年间，可以由一间寂寂无名嘅小店，发展至十多间分店嘅大集团，不得不佩服创办人嘅热诚和魄力。喺香港，就有人本著同一份精神和毅力，将「干杯」嘅神髓从台湾带了过来香港，喺尖沙咀漆咸道南开始。由外至内，都充满著「干杯」的影子，一室深褐色木器，红砖格仔墙，昏黄的灯光，简单大圆钟，加上无数亲亲照片，简直就像是置身台北「干杯」一样，唯一不同的，就是你身边的人所操的方言，并不是国语而已。其实老板同我哋讲，佢哋同台北「干杯」并冇任何关系，亦非同盟店（事实上台北「干杯」并没有同盟店，包括台湾本土及海外），只不过见香港并未有类似食肆，所以就希望将台北「干杯」嘅精神和气氛带来香港；台北「干杯」以烧肉为主，而香港「干杯」则以串烧为主。至于台北「干杯」至出名嘅「亲亲五花肉」及「八点干杯」，老板就作出少少更改，改为「亲亲sake」及「挑战3.5L」；「亲亲sake」，
喺香港，就有人本著同一份精神和毅力，将「干杯」嘅神髓从台湾带了过来香港，喺尖沙咀漆咸道南开始。
由外至内，都充满著「干杯」的影子，一室深褐色木器，红砖格仔墙，昏黄的灯光，简单大圆钟，加上无数亲亲照片，简直就像是置身台北「干杯」一样，唯一不同的，就是你身边的人所操的方言，并不是国语而已。
其实老板同我哋讲，佢哋同台北「干杯」并冇任何关系，亦非同盟店（事实上台北「干杯」并没有同盟店，包括台湾本土及海外），只不过见香港并未有类似食肆，所以就希望将台北「干杯」嘅精神和气氛带来香港；台北「干杯」以烧肉为主，而香港「干杯」则以串烧为主。
至于台北「干杯」至出名嘅「亲亲五花肉」及「八点干杯」，老板就作出少少更改，改为「亲亲sake」及「挑战3.5L」；「亲亲sake」，顾名思义，只要亲吻10秒，再用即影即有相机拍下，就可获赠sake一杯；至于「挑战3.5L」，就是要系10分钟内，饮完一杯3.5L嘅Hoegaarden，如果女仕，则可以饮少d，2.5L嘅Stella Artois就可以过关，过到关嘅朋友，当然由老板请客，否则的话，就要盛惠$350；除此之外，饮Asahi生啤，一样有优惠，星期一，买一送一，星期二，买二送一，如此类推，一直到星期日，就买七送一，所以逢星期一飮Asahi就最著数，简直就系半价酬宾。
老婆与友人未到，先来一杯Hoegaarden及一碟鸡泡鱼干，Hoegaarden够冻，泡沫有成寸厚，而且非常幼滑，唔错；至于鸡泡鱼干，唔韧，有嚼头，可惜烧得唔够焦。
当我饮完杯Hoegaarden之际，老婆与友人刚到，因友人怀有身孕，唔飮酒，所以叫咗杯乳酸梳打，而老婆想饮sake，所以要咗支獭祭50割，其实「干杯」提供嘅清酒，主要系男山和獭祭，老板话呢支有果香，易入口，所以我哋就点咗呢支，但饮落，比较抢喉，唔够醇滑，有果香味，但不浓烈，普普通通。
先来干杯特式串烧虾，一杯满载辣椒、蒜茸、豆豉嘅香料，上面插著九只海虾，虾唔系好大只，但非常入味，连虾壳都炮制得香脆，可以连壳食，味道非常惹味香口，但颇辣，佐酒不错。跟著就来铁板锅烧秘汁煮翡翠螺，一锅上，有六只，汁唔辣，有少少酒香，仲有少少葱香，螺肉有嚼头，烟靱，都ok，但始终都觉得冻食，比较过瘾。
烧鸡翼，烧得干身，焦焦哋，鸡皮烧得香脆，肉质依然嫩滑，皮脆肉嫩，正。烧鸡软骨，应该系来货问题，太大粒，肉多过软骨，无论点烧，都唔脆口，唔好食，与南亭或烧鸟亭无得比。
原条烧茄子，将茄子在中间劈开，原条烧，烧好后，洒上蒜茸、葱花及木鱼丝便可；烧起后，只要用筷子轻轻一挑，便可夹起茄子肉来食，非常简便，入口夹杂著葱蒜味，香口好食。
烧白鳝，及不上南亭咁厚身和大件，一件烧得金黄，另一仲则欠缺火喉，入口算弹牙，但略嫌调味不足，腥味颇重。再来冰镇芥兰，$45一碟，但只得区区九条，仲要系短小的九条，觉得有d贵，不过的确清爽、新鲜，而且食落冇渣，可惜冇随芥兰送上wasabi，有d失败。
跟著就系盐烧大蟹钳，有三只，刚好一人一只，唔驶争，哈哈；似乎师傅喺烧烤途中，已将蟹钳剪开，所以非常入味，但因此，蟹肉却烧得太干身，冇咗蟹嘅鲜味，肉汁亦挥发得七七八八，所剩无几，咸味喺发自蟹肉本身，并非来自洒盐，唔错。烧芝心丸及免治鸡肉棒，芝心丸，一串三粒，标准货色，不过烧功略差，第一，三粒中又系有一粒过焦，另外两粒唔够焦，问题与烧白鳝一样，可能要看看师傅嘅手法有问题，还是𠮶炉有问题，第二，芝心丸直接烧完就奉上给客人，并无加任何酱料去烧，比较失望，记得喺红磡有一档串烧，佢哋嘅烧芝心丸，会扫一层秘制酱油去烧，食落味道更丰富、更有层次，值得学习；至于免治鸡肉棒，入面亦混入剁碎咗嘅鸡软骨，增加嚼头，又唔会过韧，味道亦香口。
烧台湾香肠，有四种味道选择，分别为飞鱼子、黑墨鱼、芥末和原味，我哋拣咗芥末味，一啖咬落去，确实有一种抢鼻嘅辣味，好过瘾，表面焦焦地，几香口，肠衣有少少烟韧，肠心则腍糯弹牙。汁烧鸡扒，卖相唔讨好，一件鸡扒，切成八小件，鸡皮焦且黑，但唔香脆，可能由于汁烧嘅关系，所以鸡皮湿且腍，𠮶汁亦唔够惹味，鸡肉亦比较嚡口，唔多好食。
烧生蚝，虽然落咗蒜茸，但份量唔多，冇掩盖咗d蚝味，但唔明白点解要放d木鱼丝，与生蚝唔多夹。
烧鸡皮海虾，虾唔细，比南亭大及长，但冇包紫苏叶，所以欠缺咗一份紫苏叶嘅香味，但烧得唔错，鸡皮烧得干脆、香口，虾肉亦弹牙爽口，加上鸡皮嘅油脂，更加突显到虾嘅鲜味，值得推介。盐烧龙虾，一开二，唔系好大只，冇咩膏，鲜味反而不及鸡皮海虾，但龙虾肉尚算爽口，但与蟹钳一样，太干身，冇肉汁。
最后来客烧菠萝，唔够甜，如果扫一层薄薄嘅蜜糖，再烧一烧，效果可能会更好。
埋单$1,800，每人$600，唔平，就算唔计支sake，每人都要$424，以呢个价钱，我宁可选择南亭。依我个人愚见，噱头就有，但气氛唔够；价钱唔平，但食物质素参差，老板需要喺呢几方面入手，改善一吓，否则，都好难突围而出。
张贴
