CHOWTIME

营业中

休息中

今日收工同屋企人黎马鞍山食特色西餐，餐厅位置在地铁站附近，食品种类丰富，座位舒适，职员好有礼貌地介绍餐牌。🐽德国咸猪手 $198猪手烧到又脆又烟韧，肉香多汁，非常惹味，肉质柔嫩，猪手好入味，旁边仲有好多薯角，薯角烧得脆卜卜，又大件。🍕珍宝杂锦薄饼 $168薄饼饼底好香脆，配料非常多，有意大利风干火腿，辣肉肠，莎乐美肠，杂菌，洋葱，青椒🫑，菠萝🍍，配上蕃茄酱🥫同芝士🧀️好香口，份量都够晒多。🥦焗芝士西兰花$68西兰花同椰菜花配合溶化嘅芝士🫕口感特别。🍵法式蒙布朗-八女抹茶 $58抹茶味几香浓，蒙布朗嘅栗子蓉香甜幼滑，里面有忌廉同蛋糕，配上香浓朱古力雪糕🍨配搭唔错。🍹芒果梳打 $28🥭用咗浓缩芒果汁，甜酸度刚刚好，又不会好甜。