棋哥燒鵝 (已結業)

今日去尖沙咀美丽华买完野, 向The One 方向行时见到呢间棋哥烧鹅餐厅,有驰名的烧鹅, 所以试下, 先叫一个烧鹅例牌$158, 话晒招牌菜, 果然好惊喜, 热辣辣, 而且有好浓郁的烟熏香味, 外皮油香十足, 鹅肉肉质结实, 肉味相当浓, 真心推介, 好食过好多大酒楼。另外见餐牌, 还有多个下午茶餐,  我选了个烧腩仔饭餐$40,价钱真系好超值,  烧腩仔够厚身脆皮, 中层有一点点肥膏加肉, 好香, 好稔, 完全唔鞋口, 餐饮系即磨咖啡, 够香浓。再点了个棋哥常餐$52，叉烧意粉，叉烧半肥瘦，好香甜的蜜汁味，配有甜味的炒蛋，火腿，而多士我喜欢加埋砂糖食，好正, 配了茶走,好滑, 茶味香醇。