人和月雞煲火鍋店 (已結業)

虽然店舖好似主打鸡煲加火锅，但同朋友一坐低见到新推出既限时头盘餐牌有麻辣烤鱼，觉得好似特别啲，所以就转左食麻辣烤鱼Set C 澳洲M4和牛海鲜大满贯 $398头盘：重庆麻辣烤鱼虽然见到个汤好红好多辣椒咁，但我地叫左小辣，食落无想像中咁辣。烤鱼好大条好多肉，而且唔多骨，配菜仲有豆卜，莴笋 ，高丽菜，两个人食完头盘都有少少饱！芝士焗大头虾 每人都有半只跟餐送既大头虾，大头虾都几大只，肉质爽口弹牙驾鸯汤 +$30椰青香茅青柠汤/药膳养生牛奶锅因为烤鱼试左麻辣锅，所以打边炉叫左两个清啲既汤底。椰青香茅青柠汤有泰式感觉，酸酸甜甜，几开胃，同海鲜都几夹。药膳牛奶锅奶白色，味道都几浓郁牛肉大满贯店员会先上一客共有8款既牛肉拼盘，澳洲M4和牛、封门柳同安格斯牛小排系限量，其他都可以无限量添加。其中M4和牛雪花纹理最靓，牛味香浓，肉质嫩。另外任食牛肉当中最推介牛板腱，以任食质素黎讲都算出色！海鲜拼盘海鲜有5款，包括鲍鱼、青口、蚬、虾同扇贝，全部都好新鲜，虾鲜甜弹牙，鲍鱼软淋其他配料可以用手机落单或者系出面雪柜自取。配料款式都几多，有花雕醉鸡、墨鱼滑、蟹子虾滑、花胶、木耳饺、脘鱼片、广岛蚝、丸类同蔬菜等。