皇室冰廳

营业中

休息中

去开青山道做野，做完野就简简单单食埋个饭至返屋企。食物选择唔少，见都几肚饿所以拣咗焗猪扒饭＄58，饮雪山特浓朱古力（加＄12）。先嚟咗特浓朱古力，上面有层我好钟意既cream，而朱古力味都颇为浓郁。至于焗猪扒饭就等咗一阵，因为系即叫即整，所以新鲜热辣。饭底炒到金黄色，粒粒分明。猪扒肉质松嫩，咬落唔会嚡口，配埋酸酸甜甜既番茄酱汁，好开胃！成个饭份量都唔少，食完都好饱肚。叫埋特饮埋单都系＄70，以晚餐嚟讲好抵食。