影片
更多
2017-06-18
1585 浏览
由于系用买一送一优惠，午餐唔系好多款可以拣，只能从Chef Special 4款中拣 (韩风海鲜香葱煎饼/辣炒豚肉配粉丝/辣炸鸡丁/韩式辣汁煎饺拌蔬菜)，本来想拣炸鸡但系佢话今日无，最后拣左煎饼同煎饺。Set lunch包前菜 (韩式三小碟+Kimchi)及甜品(雪糕糯米糍)。本身都无谂住写食评所以唔系影左好多相，不过好彩有影到主菜，如果唔系都分享唔到呢个咁经典嘅用餐经验。等咗大约20分钟，先黎煎饺，$88蚊有六只，喺中环食Lunch我都唔会期望抵食，所以价钱/份量都唔系大问题。先睇张相，左边三只同右边三只颜色系咪好唔同？ 左边三只金黄色，右边 三只白雪雪，以为系鸳鸯口味？唔好意思谂多咗。我夹右边𠮶只黎食，一咬落去我真系想讲粗口，入面系冰！冻！的！唔系Room temperature，系真系有冰凉嘅感觉。跟住我就谂，其实呢个系咪冰镇饺子，即系辣汁同冰饺沟埋等你有冰火Feel，你知啦而家韩国成日都有啲新gimmick可能系我outdated唔识野啫，话唔定佢想学翠华个冰火菠萝油，黎个变奏版冰火辣汁饺，于是我问我个学紧韩文嘅女朋友，佢话佢𠮶只系热嘅，我心情即刻跌落地狱---因为我已经吞左半
韩式辣汁煎(冻)饺拌蔬菜 (右边三只入面仲系系冻嘅)
$88
22 浏览
0 赞好
0 留言
等咗大约20分钟，先黎煎饺，$88蚊有六只，喺中环食Lunch我都唔会期望抵食，所以价钱/份量都唔系大问题。先睇张相，左边三只同右边三只颜色系咪好唔同？ 左边三只金黄色，右边 三只白雪雪，以为系鸳鸯口味？唔好意思谂多咗。我夹右边𠮶只黎食，一咬落去我真系想讲粗口，入面系冰！冻！的！唔系Room temperature，系真系有冰凉嘅感觉。跟住我就谂，其实呢个系咪冰镇饺子，即系辣汁同冰饺沟埋等你有冰火Feel，你知啦而家韩国成日都有啲新gimmick可能系我outdated唔识野啫，话唔定佢想学翠华个冰火菠萝油，黎个变奏版冰火辣汁饺，于是我问我个学紧韩文嘅女朋友，佢话佢𠮶只系热嘅，我心情即刻跌落地狱---因为我已经吞左半只，而且呢半只饺应该系未熟嘅。咁嘅情况，我梗系即刻叫个waiter黎投诉啦，佢讲完sorry就收番碟饺，而我地就继续挨饿食住泡菜等(同埋担心紧会唔会肚疴---最后无事，我谂佢D饺应该都系一早煮熟左嘅急冻货)。以为等廿分钟煎一碟冻嘅饺已经够离谱，点知低处未算低。。。。。。
韩式辣汁煎饺拌出紧烟嘅蔬菜
14 浏览
0 赞好
0 留言
等左五分钟多D阿侍应番番黎话已经帮我地heat up咗碟野，再搭多句Sorry。见到面前呢碟野，我真系连粗口都唔想讲。从图中可见 (未加热前食左两粒，加热完食左一粒先影相所以呢张相得番三粒)，右边粒饺子，仍然系白色嘅，因为佢就系之前𠮶碟饺，分别就系呢只饺入面热到出晒烟，而最大嘅分别，就系连隔黎D沙律菜都系出！紧！烟！呢一刻我真系连个人都出埋烟。你唔换过一碟新嘅俾我都算，最低限度都拎D饺去煎吓丫，而家系你煎唔熟D饺㖞，你竟然懒到成碟野连埋沙律菜去加热？是可忍，孰不可忍？
韩风海鲜香葱煎饼
20 浏览
0 赞好
0 留言
等多15分钟之后先黎嘅煎饼，系热嘅，不过淡而无味。虽然唔想承认，但系𠮶碟Heat up咗嘅沙律菜都好食过个煎饼。
我埋单𠮶阵见到附近几台客都神情焦躁咁同waiter追上菜，可想而知佢个上菜速度系有几慢。作为一间标榜自己系中高档嘅韩国餐厅，官网仲要写到"Jang’s goal is to become the first Korean restaurant to change the image of Korean food abroad and to be the best Korean restaurant in Hong Kong."，你真系改变晒我对韩国菜嘅印像。我实在想像唔到煎一碟咁简单嘅饺子都搞到咁，我更加想像唔到个厨师要hea到边一个点先会将沙律菜煮热俾个客食。
张贴
