C3

营业中

休息中

真心唔明点解可以有咁多人帮衬😑1. 人手严重唔够 入座之后冇人执枱，要你举手落单先发现未执枱 但之后系冇左件事！ 直至上餐包 沙津先记得，仲要系我地自己拎起2个碗俾佢擘干净🙄2. 同客人零沟通 餐汤冇晒又唔同客讲，要追问先知原来已经冇晒 🤷🏼‍♂️其实落单个阵可以知会个客，唔使等客人追单先讲3. 货不对版 去食之前睇过其他食评，有人话鹅肝意大利饭系用白饭煮 我地唔信邪都嗌黎试下啦，上枱个阵 块鹅肝系似腩肉多啲，咬落去 个心系冻架！至于个饭，系 真 白 饭 煮 嘅！成个饭都好失望🤦🏼‍♂️🤦🏼‍♂️4. 岀餐速度慢 叫左卡邦尼意粉，等左半个钟都未有，同汤一齐追先知原来系漏单！ 开头都以为系要等埋几张单一齐煮先咁耐，但见住迟黎嘅人都已经食紧同知漏单就真系好嬲，即刻叫佢转外卖拎番屋企食兼埋单🔥总括黎讲，呢间餐厅有咁多人帮衬真系一个奇迹，但对我黎话，系不 可 一 不 可 再！ 🤦🏼‍♂️🤦🏼‍♂️🤦🏼‍♂️