無老鍋

营业中

休息中

之前去台湾食过无老锅觉得好食又平，早两年嚟香港开个阵有谂过去食，但太多人排所以放弃咗。呢排想打边炉至醒起佢，好彩仲系度，就book位去试吓。叫咗个鸳鸯汤底，无老香辣锅配面包豆腐锅，一位汤底费都要$60-70，都几贵。汤底味道同系台湾食印象中差唔多，最正系豆腐鸭血可以任添，而且好好食，加咗4-5次🤭食物嚟讲其实唔会话特别好食，响铃即炸有啲诚意，水莲亦都新鲜，手工三色滑中瑶柱滑同蟹滑膏都几特别，牛小排牛味都算浓，其他食物就普普通通。香港食真系贵好多，同一价钱可以去其他火锅店食仲可以叫多啲嘢，下次都系去台湾至会食。