影片
更多
2016-05-09
2254 浏览
每月一度朋友仔饭局短聚又到喇，今次我拣左宝宝鸡煲，记得新假期大赞，就黎试一试啦 ﹗系 openrice 网上订左八点半，但我准时到步都要系门口等，依家九点都未有位比，搞错呀 ﹗最讨厌无缘无故被罚企，火都黎又等到颈渴，叫支啤酒降降火先得啦。朋友们都唔多好啤酒，都忍无可忍要呷返两口，饮胜 ﹗罚企无野做，唯一娱来系背 menu。值得一赞款色真系非常多，包罗万有、多姿多采 ﹗仲有好多特别又另类食材添，值得一试 ﹗不过价位都比较偏高，市区鸡煲店黎讲都差不多，最紧要好食。等位其间突然关安廸来电称要放飞机，唔得闲黎，无所谓。原本五福星变左四天王，剩返卢珍妮、姫丝、李输同我，唔能够叫得太多食物喇，唔想浪费食唔晒。古法麻辣鸡煲一只，宝宝供应两款麻辣鸡，一款系古法、一款系招牌，先试古法啦 ﹗朋友们唔食得辣，唯有叫微辣啦，无紧要。试试味先，不幸地微辣只系麻辣汤沟水，一饮便知道，滚水味浓水汪汪，淡而无味，稀到不得了。最初本打算叫两个煲，一个辣一个唔辣，最后发现张枱实在太细，无法容纳到两个炉，无奈。鸡件系生料送到，要等慢慢煮喇，起码等上十几廿十分钟。瞓醒开饭，鸡味淡荗荗，质地微嫩滑，无作任何调味，可怜个汤底都好
罚企无野做，唯一娱来系背 menu。值得一赞款色真系非常多，包罗万有、多姿多采 ﹗仲有好多特别又另类食材添，值得一试 ﹗不过价位都比较偏高，市区鸡煲店黎讲都差不多，最紧要好食。等位其间突然关安廸来电称要放飞机，唔得闲黎，无所谓。原本五福星变左四天王，剩返卢珍妮、姫丝、李输同我，唔能够叫得太多食物喇，唔想浪费食唔晒。
古法麻辣鸡煲一只，宝宝供应两款麻辣鸡，一款系古法、一款系招牌，先试古法啦 ﹗朋友们唔食得辣，唯有叫微辣啦，无紧要。试试味先，不幸地微辣只系麻辣汤沟水，一饮便知道，滚水味浓水汪汪，淡而无味，稀到不得了。最初本打算叫两个煲，一个辣一个唔辣，最后发现张枱实在太细，无法容纳到两个炉，无奈。
鸡件系生料送到，要等慢慢煮喇，起码等上十几廿十分钟。瞓醒开饭，鸡味淡荗荗，质地微嫩滑，无作任何调味，可怜个汤底都好淡呢。可能有鸡煲酱料已调好小辣或以上，有客 order 低辣度就加水沟淡了事，点可以那样马虎呢。
响铃，我以前食一旧就会即刻喉咙痛架喇，因为太油腻。难得今次唔会㖞，宝宝响铃炸得干爽，不油不腻。先试拖一拖汤即入口，似乎有点通风，未够松脆。再黎浸汤试试，待响铃软化，吸尽汤汁，好食好多。无奈地汤底本身水汪汪，淡而无味呢，唯有出绝招，指天椒豉油救驾。
手打虾丸，menu 上写住必食推介㖞，不妨一试。又真系非常爽口弹牙噃，真材实料，不过我略厌调味太重，盖过鲜味呢。鱼肚，带有微弱腥味，还有轻轻油益味，如果汤底够浓一定能盖过的。幸好烚熟后沾上指天椒豉油味道都唔错，爽爽的质感。只不过系普通炸鱼鳔呢，仲谂住有做鸡扎那种白滑鱼肚食添。
百花酿油条，都几有趣 ﹗继尖沙咀高流湾百花酿鱼鳔后，又一巨献，墨鱼胶酿油炸鬼。香口油条索尽汤汁变得咽咽韧韧，墨鱼胶都够滑弹，质感并在一起都几得意，一试无妨。牛骨髓，我都几喜欢牛骨髓既口感，胶胶黏黏的，虽然好难可以炆得入味，但原味恰似奶类食品，浓厚带香已经不错。
鱼腐，重口味，调味偏咸啊，虽则预左系外购货，唔会系自家制啦，谂住佢吸汤力强先 order 架乍。手切牛颈脊，卖相吸引，颜色富光泽。夹住拖一拖，粉红色最嫩口，即刻食啦 ﹗质感嫩滑，不乏肉汁，牛味淡了一点，切得太薄影响味道，切厚一点会更好。
日本清水蚝，第一次听亦系第一次食，清水蚝？淡水？无咩特别，味道及质地都似本地蚝啰。微弱蚝味，清淡非常，蚝身够饱满 juicy 富弹性，合格既。窝笋，众所周知虽然叫做笋，但只不过系油麦菜既茎啫，仲可以当沙律菜生食添。轻灼保持爽脆就似笋，烚到软腍就似瓜。味道清甜多汁，我都好钟意食。
蝴蝶腩，猪味浓郁而微膻，瘦猛猛但松化，不算干硬，质感好似靓牛腩㖞， 又有赵口，合格。野生竹笙，我都唔知点分野生唔野生，颜色？质感？索汤力特强，本身无味道，全靠汤底，但汤底唔多惦呢。
古法麻辣鸡煲微辣，食到尾声了，大家都好饱晒噜 ﹗朋友们没有什么意见，但我就非常失望喇，市面那么多鸡煲食肆，应该唔会再有下次，后会无期。
蓝妹啤酒
67 浏览
0 赞好
0 留言
古法麻辣鸡煲微辣
46 浏览
0 赞好
0 留言
响铃
18 浏览
0 赞好
0 留言
手打虾丸
19 浏览
0 赞好
0 留言
鱼肚
18 浏览
0 赞好
0 留言
百花酿油条
19 浏览
0 赞好
0 留言
牛骨髓
23 浏览
0 赞好
0 留言
鱼腐
20 浏览
0 赞好
0 留言
手切牛颈脊
12 浏览
0 赞好
0 留言
日本清水蚝
18 浏览
0 赞好
0 留言
窝笋
11 浏览
0 赞好
0 留言
蝴蝶腩
24 浏览
0 赞好
0 留言
野生竹笙
28 浏览
0 赞好
0 留言
古法麻辣鸡煲微辣
23 浏览
0 赞好
0 留言
张贴
