滿福樓

营业中

休息中

今次再次光临满福楼，又可以细味丰富美食。满福楼经常爆满，想品尝到获奖无数的得奖菜式，就一定要预早订位。每一道菜色都系精心炮制，完全可以感受到大厨用心制作，色香味俱全。每一个细节都可以睇到出，连餐具都唔系普通货色，用上NARUMI 骨瓷的餐具。一杯一碟都见到敦煌飞天的美态。今次有八道菜，包括：乳猪件配胡麻冰菜，作为头盆的冰菜好清新丶醒胃，冰菜好爽脆，乳猪大小适中，皮脆肉嫩。原个椰皇鲍鱼灌汤包，未放低已经闻到阵阵椰皇香味，汤相当清甜，材料十足，卖相精致。风味金榜明虾球，呢个都算系必食推介，用多种香料制成嘅酱汁配上爽口弹牙嘅虾球，旁边的炸馒头一定要沾上酱汁黎食。红烧脆皮乳鸽，肉质鲜嫩。羊肚菌素菜卷，卖相精致，好似一对翼咁。台山焗酿豆腐，里面有咸蛋粒丶肉碎丶豆腐，全部加埋一齐都几好味。银芽蟹肉烩伊面，蟹肉好多，好味。甜品方面，我拣左椰子雪糕，有凉粉喺雪糕下面，好香椰子味。每一位职员都好有礼貌，服务态度好，专业精神，令每一位客人都感受到宾至如归。特别鸣谢Edward细心嘅招待。