喜來稀肉 (已結業)

最近睇得韩剧多，又爱的迫降，梨泰院class，搞到成日有一铺想食韩国嘢嘅引。所以谂都唔使谂就谂住去韩烧，呢一间都几出名，我仲记得之前仲系要等位等好耐添，今日去到，因为我食嘅时间都比较早就唔使等位，但系到我买单嘅时候已经有一班人等紧位啦，可见近排嘅韩风仍然吹得好劲。一坐低，职员已经帮我哋整咗路边蛋，有两只味一只就系芝士令一只就系泡菜。然后枱上面已经摆满韩国嘅前菜，有腌萝卜、泡菜.....🥳今日唔系好想食猪，想食牛，所以叫咗三碟都系牛，首先就叫咗牛嘅护心肉、真雪花牛肉、牛舌。其实之前我通常都系嗌猪嘅，但系今日又好想食牛㖞，估唔到牛肉都好多惊喜。真系三款牛肉🐮🐮都好好食，而且三款嘅质地都唔同，牛舌系薄身，护心肉系最嫩口，真雪花牛肉最有牛味。而且每一啲份量都好大碟，所以计返落条数，其实个性价比好高，百几蚊一碟，但系有超多块。😎😎除咗肉之外，另外再嗌咗个海鲜拉面，系辣嘅，其实有啲似平日嘅薯仔面，但系上边加埋海鲜，有青口同埋虾。🍤另外再嗌左个蟹子紫菜饭，呢个又系简单得来但系超好味，咁大兜，但系我哋都清晒。🤩另外值得一提系啲前菜、蛋、生菜都系可以refill 。❤️❤️今餐食完之后，我哋都捧住个肚离开，