Maki拉麵 (已結業)

芫荽控见到有新开嘅芫荽拉面梗系要第一时间去试，点知一试中伏首先佢主打芫荽浓汤，但一啲都唔浓，打碎啲芫荽捞落啲盐水到攞个色就当系浓汤，仲淡过平时打边炉啲芫荽汤，麻烦认真煲返个汤出来先话自己系整拉面。个所谓拉面，系港式碱水面，好似某品牌过年送礼个啲，唔系话要求手打面，但用返啲高质小小嘅面得唔得。食第一啖就有碱水味，已经无心情食落去。食材方面，有三旧叉烧，但size系比标准日式叉烧细，佢三旧先等如人地一旧，味道稍淡，可接受。有条急冻蟹钳，预期中嘅雪味，但唔知点解要配落芫茜到，一啲都唔夹。有只紫色糖心蛋，纯粹系染色无其他味（应该？），全个面最正常，算好食。仲有一大抽生芫茜放上面，正常，份量都足够。个面整体比人感觉系求其煮，为咗迎合消费者口味整个芫茜拉面出来，但睇个汤就已经feel到完全无心整，为做而做，点解仲可以过到关拎出来比人食。98蚊真系完全唔值，如果继续系咁嘅态度就祝佢好运了Btw服务态度系okay