微酵烘焙 (MOKO新世紀廣場) (已結業)

路过见到呢个面包店好光鲜，而且啲包嘅造型好得意，就买左几个做听朝嘅早餐。香软肉松包 $28 面包上嘅海苔肉松非常多，入面有特制酱汁，好浓味，味道唔错。香蒜金砖 $19呢个超好味，需要瞓身推介，焗返热之后好香脆，特浓嘅蒜味好好味，一定要试，就好似pizza hut 𠮶只蒜蓉包咁正！章鱼大哥​ ​$28超cute 章鱼造型面包，面包入面唔止有脆皮肠，仲有海苔肉松，系一个升级版嘅肠仔包。香菇麻糬包​ ​$22 对冬菇包一直有好感，呢个像真度极高，入面系芝麻酱及麻糬，好开心有芝麻酱，同麻糬好夹。蒜香烟肉软包 $28 呢个包较普通，特别在有​原条烟肉，无偷工减料，仲有啲香蒜酱及芝士粉，劲香蒜味同芝士味香！我地仲试埋个极浓可可，一冻一热，真系超浓朱古力味，热饮会更加试到个朱古力味，而冻饮就可以试到个芝士奶盖，两杯都好味！