點點心 (已搬遷) 新店位置

我觉得标题一啲都唔浮夸，最近搬到旺角一带居住，好开心就系一得闲就可以过嚟呢度食个tea，有时约朋友嚟，有时自己嚟，对呢间舖无法自拔中，记得10年前佢已经系度，系附近返工个下最钟意佢个金沙肥猪仔流沙包，依家可能皮厚咗少少啫，味道水准都维持到，毕竟10年，离职同搬屋远咗，好耐无再嚟，依家住附近突然想起佢，一嚟发现新嘅装修，好舒适，之后食物简直有种太幸福嘅感觉，想日日都食，最近无敌钟意佢嘅古法马拉糕，大家一定要试下，今日食咗鸡蛋布拉肠，好有心思呀，仲有强烈推荐烧汁虎皮尖椒！！我至爱！咁有水准心思嘅点心舖，价钱相宜，但我心有所忧，唔知点解每次嚟人流唔太多，唔知是否疫情影响，好怕老板坚持唔住，希望可以做到永远，点点心加油！永远支持！我post嘅系最近几次点嘅食物相