好景餐廳小廚

营业中

休息中

兆康返工绝对系冇啖好食，兆康苑商场果三间茶记真系食到成肚火，又贵又污糟仲要态度恶劣。所以lunch我通常去远D食。呢间野我食左好多次，基本上十次有十次都系食佢既盐焗鸡饭，简直系无敌，我估唔到44蚊可以食到咁高质既鸡饭。呢口价包埋个例汤，个例汤系大碗到好似唔使本咁，虽然唔知有冇落咩调味料，但有D猪骨瘦肉食下，都叫唔话得。重点系个鸡饭！我敢讲仲好食过高级餐厅D鸡！鸡肉嫩到痺，盐浓度岩岩好，D鸡油渗埋落饭度，仲正过海南鸡饭既油饭，真系多多都食得哂。碟鸡份量惊人，有时仲有鸡脾肉食，正！最后碗配埋大大杯冻柠茶，满足。