生原創(蛋包飯) (已結業)

好多年前，呢间蛋包饭劲出名，今日终于有幸经过去食到喇！星期日午餐时份，1台客都无，入门口唔洗量体温，唔洗消毒液搓手，亦都无人招呼，似1间无人店。企左1阵终于有 staff出黎问几多位，我地坐低左，但系 staff无放低 menu, 亦都无意欲去拎 menu比我地...点样呀，训醒未，做唔做生意架！要客人出声问先识比 menu...无诚意！我地点左海胆蛋包饭配忌廉汁同鳗鱼蛋包饭配咖哩汁，跟餐小食有日式炸鸡同饺子，饮品系迷你罐装可乐，呢个价位系咪应该比返大罐汽水 d 客呢，比 d诚意好唔好。D野系几好食既，忌廉汁食得出系自己打出黎，唔系买现成盒，2款蛋包饭入面都有唔少料，无呃秤。