影片
更多
2024-05-07
70 浏览
💛HAND3AG THE TABLE (金殿台) (太古)太古太古城道20号太古城金殿台元宫阁地下G404号舖今个星期六日都有落雨，朋友约咗我去太古城呢边食晚饭，我哋揾咗一间好有文青感觉嘅餐厅， @hand3ag 。一入到嚟坐低已经觉得呢度嘅装修好舒服，有一种令人好放松嘅感觉，而且服务员都好有礼貌，未开始食嘢已经觉得心情好愉快好放松。松露惹菌忌廉照烧鸡肉长通粉，佢嘅松露味好香好突出，而且长通粉都好挂汁，每一啖都食到野菌嘅味道，上面有好多芝士粉，而且照烧鸡肉有少少烧焦既味道，我觉得烧得啱啱好，整个都好好味。烧美国牛扒加烧烤风味薯条，薯条有少少咸，不过我朋友觉得都OK唔错，至于牛扒就不过不失，整体性价比都合理。牛肝菌天妇罗软壳蟹意大利饭好好食，软壳蟹炸得啱啱好，脆脆地，然后又可以食到入边蟹肉嘅味道，而意大利饭亦都十分之入味，有好香浓嘅牛肝菌味道，而且唔会太硬，啱晒香港人嘅口味。最后甜品我哋叫咗一个Tiramisu ，去嘅味道比较清淡，亦都系我同我朋友最喜欢嘅味道，Tiramisu亦都好滑，我哋两个都争住食最后一啖。今个星期雨天，天色都比较阴暗，但系嚟咗呢度食晚饭之后觉得成个人都好放松，啲嘢
太古太古城道20号太古城金殿台元宫阁地下G404号舖
今个星期六日都有落雨，朋友约咗我去太古城呢边食晚饭，我哋揾咗一间好有文青感觉嘅餐厅， @hand3ag 。
一入到嚟坐低已经觉得呢度嘅装修好舒服，有一种令人好放松嘅感觉，而且服务员都好有礼貌，未开始食嘢已经觉得心情好愉快好放松。
松露惹菌忌廉照烧鸡肉长通粉，佢嘅松露味好香好突出，而且长通粉都好挂汁，每一啖都食到野菌嘅味道，上面有好多芝士粉，而且照烧鸡肉有少少烧焦既味道，我觉得烧得啱啱好，整个都好好味。
烧美国牛扒加烧烤风味薯条，薯条有少少咸，不过我朋友觉得都OK唔错，至于牛扒就不过不失，整体性价比都合理。
牛肝菌天妇罗软壳蟹意大利饭好好食，软壳蟹炸得啱啱好，脆脆地，然后又可以食到入边蟹肉嘅味道，而意大利饭亦都十分之入味，有好香浓嘅牛肝菌味道，而且唔会太硬，啱晒香港人嘅口味。
最后甜品我哋叫咗一个Tiramisu ，去嘅味道比较清淡，亦都系我同我朋友最喜欢嘅味道，Tiramisu亦都好滑，我哋两个都争住食最后一啖。
今个星期雨天，天色都比较阴暗，但系嚟咗呢度食晚饭之后觉得成个人都好放松，啲嘢食亦都好味，价钱合理，值得再嚟呢度食野。
#吃好西#美食#优惠#香港美食#好去处#美食推荐#太古美食#香港咖啡店#探店#港岛咖啡店#香港美中药#香港必吃#香港探店#香港美食推荐#港岛美食#香港吃喝玩乐#美食日常
张贴
