MOO MOO Plus (百德新街) (已結業)

三款口味嘅青口任refill，包括经典白酒忌廉，喇沙及西班牙风味，每位都只系$328，仲包两杯饮品。🤍经典白酒忌廉 Classic White Wine /w Cream浓味Creamy感觉相当配青口 ，蓝青口肉质肥美多汁，无沙，无渣，肉质都算细滑。经典白酒忌廉汁香浓带有海水咸香，奶香丰富而且带少少白酒甜味。🧡喇沙Laksa 唔睇menu以为系泰式冬阴功味，可能无椰奶，所以更显东南亚口味嘅鲜辣，而且食落感觉有少少酸，不过食食下又会揾返喇沙汤嘅感觉。❤️西班牙风味配有西班牙辣肉肠，Jalapeño及灯笼椒。第一啖真系有少少食唔惯，感觉酸辣好似唔多配青口，可能未试过咁嘅配搭，但食食下又几钟意个辣汁带起青口鲜甜。💚蒜蓉法包多士外香脆而且香蒜味十足，中间面包软熟，我就最钟意点白酒忌廉汁一齐食😋。💛薯条新鲜即炸薯条，热辣辣，条条香脆。💙white peach earl grey 桃味好出，有淡淡earl grey清香，加上有气soda，份外清新。