影片
更多
2024-08-28
6662 浏览
同朋友每月相聚，黎到荃湾大鸿辉中心十二楼的「常满百家菜」大快朵颐，贪其可容纳咁大班人同时又可以坐得舒服，占地全层，枱与枱之间阔落。呢间酒楼晚上主打无限时任饮任食点心+火锅放题，最长食足5.5 小时，真系好夸张！除了点心外，自助区会有少量热食、小食、饮品，汤，火锅配料同糖水甜品🍮，好适合一家大细同朋友聚会🎈。有多款火锅汤底可选麻辣、沙嗲、香茜皮蛋等，重点竟然有椰子炖鸡汤锅，可以先饮汤后打边炉，真系好足料，大大旧鸡髀肉熬煮，仲有新鲜椰子肉增加甜度，越滚越清甜。火锅配料最回本绝对是海虾、本地肥牛，色泽均匀，而且仲有老人家最爱的脆鲩鱼，仲有不同的手打鱼丸，都够晒饱，但仲要留肚食点心，不得了!点心有超过20款，全部即叫即整，上枱时热辣辣，一定要趁热食，个人最钟意虾饺皇，里面有三大粒爽口弹牙嘅虾，皮晶凝通透。鲜竹牛肉球肉嫩多汁加上大量葱花，好有咬口！叉烧包软熟多馅。炸云吞酥脆美味，蘸上甜酸汁，回味无穷。烧卖又系大大粒，仲有香菇蟹籽点缀。凤爪蒸得好软焾，怀旧马拉糕好有层次，邪恶练奶小馒头都好正，物有所值，点心质素有保证。记得要留肚食自助区嘅食物呀！有炸至外脆内嫩嘅鸡翼、行气活血的入味猪脚姜、泡椒凤爪
呢间酒楼晚上主打无限时任饮任食点心+火锅放题，最长食足5.5 小时，真系好夸张！除了点心外，自助区会有少量热食、小食、饮品，汤，火锅配料同糖水甜品🍮，好适合一家大细同朋友聚会🎈。
有多款火锅汤底可选麻辣、沙嗲、香茜皮蛋等，重点竟然有椰子炖鸡汤锅，可以先饮汤后打边炉，真系好足料，大大旧鸡髀肉熬煮，仲有新鲜椰子肉增加甜度，越滚越清甜。
火锅配料最回本绝对是海虾、本地肥牛，色泽均匀，而且仲有老人家最爱的脆鲩鱼，仲有不同的手打鱼丸，都够晒饱，但仲要留肚食点心，不得了!
点心有超过20款，全部即叫即整，上枱时热辣辣，一定要趁热食，个人最钟意虾饺皇，里面有三大粒爽口弹牙嘅虾，皮晶凝通透。鲜竹牛肉球肉嫩多汁加上大量葱花，好有咬口！叉烧包软熟多馅。炸云吞酥脆美味，蘸上甜酸汁，回味无穷。烧卖又系大大粒，仲有香菇蟹籽点缀。凤爪蒸得好软焾，怀旧马拉糕好有层次，邪恶练奶小馒头都好正，物有所值，点心质素有保证。
记得要留肚食自助区嘅食物呀！有炸至外脆内嫩嘅鸡翼、行气活血的入味猪脚姜、泡椒凤爪。
甜品方面：热辣辣嘅姜汁蕃薯糖水同红豆沙，杯装雪糕、啫喱、布甸、马豆糕等。一个价钱就包埋啤酒汽水任饮。有好少见玻璃瓶维他奶、可乐、大量啤酒等，真心性价比极高。
总结：
食到棒住个肚走
性价比高 点心+火锅+饮品放题只需二百多元
张贴
