醉翁亭火鍋館 (已結業)

有位外国返黎嘅朋友仔，饭聚实有排吹水，可惜依家好多地方都限时交枱，未能尽兴~于是我哋拣咗醉翁亭，无限时任食都系二百几蚊位，食物质素都唔错啊~~ 餐前小食可以自己夹，有青瓜、泰式凤爪、炒虾等，不过味道麻麻，留肚打边炉好过。我哋怕会太饱，冇拣鸡煲，拣咗清清地嘅瑶柱冬瓜汤底（唔记得影相），估唔到都有几多瑶柱，不错。每位仲会送份刺身、牛肉、海鲜拼盘同埋焖花胶，份量好多，未食任叫嘅嘢食其实都开始饱。任食嘅食物就普通啲，任饮亦只得纸包饮品，不过可以坐咁耐，都算抵嘅~