Coffee on the Sand (已搬遷) 新店位置

纯粹想试下土耳其口味， 冇预约就钟上去， 结果冇乜人，直接入座。坐低好快有只波斯猫好过快黎邀宠，不时系台上摆post, 可惜同朋友都唔系猫星人。。。点佐薄饼饺子。薄饼皮好薄，味道唔错，直径近尺，两个人完全食得晒。炸饺子细细粒几特别下，一口一粒好啱食，两个人食佐有廿几粒。中途老板返黎，整佐double 份量既土耳其咖啡俾朋友，我就点佐奶茶，味道同一般茶餐厅既好唔同。正犹豫要再点啲野食时，老板整佐个menu 冇既煎无花果攞过黎，好有特色，好好味，老板仲话啲无花果早两日先从土耳其带过黎，配埋饼皮包住食更好，结果真系，冇谂过无花果咁食法，可能呢啲先系道地土耳其特色，不过食到餐牌冇既野，都算惊喜。