影片
更多
2021-12-09
982 浏览
今日我最好嘅朋友离开香港，下昼去完送机一个人返屋企，冇乜心机食晚餐，但知道点都要食啲嘢唔好饿坏，于是行吓行吓，就去咗屋企附近呢间小店试试。平日嘅晚市堂食唔算多人，相信因为今日开始强制用安心，所以唔多唔少影响咗堂食嘅生意，但相信呢间餐厅都几受欢迎，因为都见小店间唔中都有接啲外卖单。我第一次嚟食，就拣咗期间限定嘅滑蛋鳗鱼饭。跟餐免费可以饮美式咖啡或者台湾花茶，我见佢系现磨咖啡豆，其实好吸引，不过夜晚都系唔好饮咁多咖啡，于是决定拣台湾茶。落Order之后，听到佢哋即刻准备制作滑蛋，即叫即做，用心制作。大概7、8分钟就有得食。第一个感觉，卖相真系好靓，滑蛋超级鲜嫩，应该用咗日本蛋，因为有好浓嘅蛋香。鳗鱼份量都好够，上面仲有啲紫菜碎，增加咗成个饭嘅香气。呀，唔好意思，我成日讲「饭」，但其实里面真系「非饭」，成碗「饭」都系椰菜花碎+少少藜麦，食落口同食紧白饭好似，但感觉好light好轻盈，食晒成碗都零罪恶感，但又有饱肚感，真系好开心！原本心情好差，但结果我越食越开胃，一口气食哂成碗见底，超满意，大满足！诚意推介各位努力减肥但又唔想挨饿嘅同路人嚟试试～
平日嘅晚市堂食唔算多人，相信因为今日开始强制用安心，所以唔多唔少影响咗堂食嘅生意，但相信呢间餐厅都几受欢迎，因为都见小店间唔中都有接啲外卖单。
我第一次嚟食，就拣咗期间限定嘅滑蛋鳗鱼饭。跟餐免费可以饮美式咖啡或者台湾花茶，我见佢系现磨咖啡豆，其实好吸引，不过夜晚都系唔好饮咁多咖啡，于是决定拣台湾茶。
落Order之后，听到佢哋即刻准备制作滑蛋，即叫即做，用心制作。大概7、8分钟就有得食。
第一个感觉，卖相真系好靓，滑蛋超级鲜嫩，应该用咗日本蛋，因为有好浓嘅蛋香。鳗鱼份量都好够，上面仲有啲紫菜碎，增加咗成个饭嘅香气。
呀，唔好意思，我成日讲「饭」，但其实里面真系「非饭」，成碗「饭」都系椰菜花碎+少少藜麦，食落口同食紧白饭好似，但感觉好light好轻盈，食晒成碗都零罪恶感，但又有饱肚感，真系好开心！
原本心情好差，但结果我越食越开胃，一口气食哂成碗见底，超满意，大满足！
诚意推介各位努力减肥但又唔想挨饿嘅同路人嚟试试～
张贴
