影片
更多
2021-09-01
75 浏览
🍴姜葱爆猪膶 HK$79厚切猪膶爽脆松软，无异味，准备功夫做得足，加埋姜葱爆炒，唔会熟得滞变紧实，非常香口。🍴马拉盏通菜牛肉 HK$88虾酱或腐乳炒通菜都好食，但我更钟意马拉盏，贪佢咸香更有层次。幼身通菜翠绿无变黑，镬气够先炒到呢种颜色，食落脆嫩，牛肉腍滑得嚟唔会腌到无晒肉味，菜同肉分量十足，送到几碗饭。🍴淮香炸子鸡（半只） HK$108炸子鸡系我每次饮宴最期待嘅菜式，但经常令我失望，有时太油、太干，有时又只分到鸡胸，而呢碟炸子鸡绝对满足到我，皮脆肉嫩，鸡胸唔鞋，碟底亦无多余油分。🍴黄金虾球 HK$98薄薄一层脆粉包住虾球炸至香脆，肉质爽弹，再披上泡沫状嘅咸蛋黄酱，香而不腻，唔会过咸，刚刚好。🍴椒盐鲜鱿 HK$88鲜鱿唔韧亦唔会过腍，外层系类似英式炸鱼嘅脆皮，特别香脆，再加上大量炸蒜，同埋相信系炸米粉嘅碎粒，辣辣地味道有啲似热浪，极之惹味。🍴潮式煎蚝饼 HK$88表面非常松脆，一夹落去先知饼底系另一种质感，有少少似薄罉，烟烟韧韧，几饱肚，蚝仔亦唔少，鲜甜无沙。餐厅标榜无味精，只用日本食盐，道道菜式都够晒味，食完唔算口渴。几款唔同炸法嘅菜式都好出色，尽显厨师功架，有机会想试埋煲仔菜。除咗
🍴姜葱爆猪膶 HK$79
厚切猪膶爽脆松软，无异味，准备功夫做得足，加埋姜葱爆炒，唔会熟得滞变紧实，非常香口。
🍴马拉盏通菜牛肉 HK$88
虾酱或腐乳炒通菜都好食，但我更钟意马拉盏，贪佢咸香更有层次。幼身通菜翠绿无变黑，镬气够先炒到呢种颜色，食落脆嫩，牛肉腍滑得嚟唔会腌到无晒肉味，菜同肉分量十足，送到几碗饭。
🍴淮香炸子鸡（半只） HK$108
炸子鸡系我每次饮宴最期待嘅菜式，但经常令我失望，有时太油、太干，有时又只分到鸡胸，而呢碟炸子鸡绝对满足到我，皮脆肉嫩，鸡胸唔鞋，碟底亦无多余油分。
🍴黄金虾球 HK$98
薄薄一层脆粉包住虾球炸至香脆，肉质爽弹，再披上泡沫状嘅咸蛋黄酱，香而不腻，唔会过咸，刚刚好。
🍴椒盐鲜鱿 HK$88
鲜鱿唔韧亦唔会过腍，外层系类似英式炸鱼嘅脆皮，特别香脆，再加上大量炸蒜，同埋相信系炸米粉嘅碎粒，辣辣地味道有啲似热浪，极之惹味。
🍴潮式煎蚝饼 HK$88
表面非常松脆，一夹落去先知饼底系另一种质感，有少少似薄罉，烟烟韧韧，几饱肚，蚝仔亦唔少，鲜甜无沙。
餐厅标榜无味精，只用日本食盐，道道菜式都够晒味，食完唔算口渴。几款唔同炸法嘅菜式都好出色，尽显厨师功架，有机会想试埋煲仔菜。除咗小菜，餐厅仲有早餐、午餐、下午茶，呢度免费泊车，附近街坊不妨一试。
📍King's & Queen's 冰室
马鞍山西沙公路533号泥涌村地下
张贴
