影片
更多
2020-06-21
492 浏览
大围收收埋埋唔少黄店，今次去嘅甜品舖系西环打响名堂，果时一直想试但又懒得过海，拖左几年终于食到。一入门口就见到墙上有大大只连猪，佢地多次罢工又撑医护同黄媒，难怪下午茶时间去都要等位，原本打算叫一客窝夫同两杯饮品，店员就推荐半份窝夫嘅tea set，因为可用半价加配饮品，平左又可试多只味，一举两得。绿茶窝夫(半份)：话明系绿茶而唔系抹茶所以对本身无咩期望，食落又比想像中好，雪糕奶味同茶味各占一半，又唔系好假果啲带花香或烟熏嘅味道，以绿茶甜品黎讲算唔错！夏雪嘅窝夫系有麻糬馅嘅所以特别好食，外脆内烟韧，面头洒满绿茶粉同糖霜，配黄豆粉蕨饼同红豆蓉，蕨饼有咬口，红豆蓉就甜左少少。紫薯窝夫(半份)：呢款配豆腐雪糕，豆腐味几出，仲有粒小番薯同一大片哈密瓜，无浸糖水，清甜解腻。窝夫即叫即整，热辣辣有蛋香，但当日呢个甜品有少少意外，紫薯馅有酸味，同店员反映后佢地即刻表示可以换款或取消，我地太饱拣左后者，到埋单果阵发现佢地连跟餐饮品都无收钱，我地一心黎支持黄店，话想比返饮品钱佢地都唔收，唯有下次再黎惩罚啦。黑芝麻latte：面头打左层奶泡，味道浓郁，食到一粒粒芝麻碎，唔甜，推荐。.焙茶latte：呢杯无咁
21 浏览
0 赞好
0 留言
话明系绿茶而唔系抹茶所以对本身无咩期望，食落又比想像中好，雪糕奶味同茶味各占一半，又唔系好假果啲带花香或烟熏嘅味道，以绿茶甜品黎讲算唔错！夏雪嘅窝夫系有麻糬馅嘅所以特别好食，外脆内烟韧，面头洒满绿茶粉同糖霜，配黄豆粉蕨饼同红豆蓉，蕨饼有咬口，红豆蓉就甜左少少。
绿茶窝夫
9 浏览
0 赞好
0 留言
呢款配豆腐雪糕，豆腐味几出，仲有粒小番薯同一大片哈密瓜，无浸糖水，清甜解腻。窝夫即叫即整，热辣辣有蛋香，但当日呢个甜品有少少意外，紫薯馅有酸味，同店员反映后佢地即刻表示可以换款或取消，我地太饱拣左后者，到埋单果阵发现佢地连跟餐饮品都无收钱，我地一心黎支持黄店，话想比返饮品钱佢地都唔收，唯有下次再黎惩罚啦。
黑芝麻latte：
面头打左层奶泡，味道浓郁，食到一粒粒芝麻碎，唔甜，推荐。
.
焙茶latte：
呢杯无咁杰身，同样有层奶泡喺面，有焙茶味用加左糖嘅茶粉冲所以个底比较甜，食完雪糕后再饮又觉得甜度可以接受。
黑芝麻latte
7 浏览
0 赞好
0 留言
张贴
