百斗記鷄煲小廚 (泰祥街) (已結業)

今晚同一大班同事食鸡煲，百斗记系我地第一次黎，环境都几阔落，我地一行8个都可以容纳到，嘈喧巴闭都冇人话，又有冷气，坐得好舒服。鸡煲系任饮任食，有分时段收费。每节为2小时，约$130一人，几抵食。有唔同嘅汤底拣， 番茄薯仔锅，皮蛋芫荽锅，澳门猪骨锅，药膳醉鸡锅等，我地一心食鸡煲，所以招牌鸡煲走唔甩😋点左个微辣，因为辣🔥对我地黎讲真系BB班，唔敢叫咁辣。一开盖已经闻到浓烈嘅麻香味同好香嘅葱味。个酱汁真系香味浓郁，个汁会愈煮愈浓，劲惹味。鸡肉嫩滑，不过份量唔太多，但可以添嘅。芫茜好多又新鲜，将成个鸡煲带上另一个层次，不过有朋友唔钟意食，开左另外一个锅😏食完鸡就加汤打边炉，猪觉得汤底较淡，虽然可以中和返鸡煲本身嘅浓味，但加多左水，打边炉时变左冇乜味。食材都几新鲜，粟米超甜，大大块午餐肉，黑椒味香浓嘅牛丸，鱼皮饺同乌冬吸晒汤入面嘅味道，香浓而不咸，都系猪今晚最爱食。其他都唔错，不过有d order左都冇到。姐姐成日担心我地8个女仔食唔晒，所以都唔太敢俾咁多我地，真系惜食。虽然味道唔算100分，不过作为茶餐厅嘅姐姐，都算几好服务，成日帮我地炒鸡鸡，所以猪俾💯你地。