四季煲仔飯

营业中

休息中

闲日晚上8点，大约排队20分钟，都算快。最近天气转凉，就开始想食煲仔饭，不过呢度个蚝饼都好吸引。蚝饼（细）$53，鸭蛋已转左鸡蛋，不过都炸得好透好脆身，蚝肉超大粒，蚝味浓郁，非常香脆，油味偏重。金银蛋芥菜肉片汤 $68，原粒咸蛋同皮蛋，介开连汤饮，好正。芥菜唔苦又腍身，肉片3块都几滑，个汤好够菜味，清爽顺喉又下火，好好饮。白鳝滑鸡煲仔饭 $96，保持水准，白鳝好滑好有弹性，加左豆瓣酱更香甜，滑鸡份量少左d，但都嫩滑多汁。个饭好有饭香，饭焦几多。梅菜排骨牛肉煲仔饭 $76，牛肉好滑，排骨入味又嫩，加梅菜咸中带甜，拌饭好味，呢煲饭焦少d，但仍然好香饭味，米饭干爽好咬。