影片
更多
2024-12-13
252 浏览
仲有唔够一个月就到圣诞节，所以近排都收到唔少朋友邀约，出嚟见下面、倾下偈，顺便食餐饭，提早庆祝圣诞。友人爱吃煲仔饭又钟意打边炉，今次就拣咗呢间一次过可以满足两个愿望嘅「六両三.台湾食堂」。店内设计简约，装修以木系为主，带点日式餐厅 feel。煲仔饭即叫即做，需时 25 分钟制作，所以要耐心等候。拣咗个金牌豉汁排骨煲仔饭套餐 ($108)，包窝巴煲仔饭、卤肉烫青菜、小食及台式饮品一杯。一打开煲盖就传来满满饭焦香，真系见到都流晒口水。排骨份量非常之多，而且以瘦排骨居多，肉质粉嫩，入口啖啖肉，搭配灵魂嘅甜豉油，滋味无穷。青菜爽脆嫩绿，加埋可口嘅卤肉汁，生色不少！酥炸花枝丸金黄香口，而且满有弹性；姜母茶姜味浓郁，饮完全身暖笠笠。另外点咗个番茄昆布锅套餐 ($128) 包自选肉盘、台湾好丸及时令蔬菜、主食&台式饮料一杯。汤底清香，带番茄嘅鲜甜原味。美国 Prime 牛颈脊 (+$36) 嘅色泽同纹路都非常漂亮，肉质新鲜，雪花均匀，咬下去有鲜甜牛味，十分可口。加点嘅澳洲和牛后腿肉眼 ($38) 同 日本鹿儿岛豚梅肉 ($38) 水准亦唔错，前者细致嫩滑、后者富肉香又不膻！拼盘有燕饺、猪肉丸、贡
友人爱吃煲仔饭又钟意打边炉，今次就拣咗呢间一次过可以满足两个愿望嘅「六両三.台湾食堂」。店内设计简约，装修以木系为主，带点日式餐厅 feel。
煲仔饭即叫即做，需时 25 分钟制作，所以要耐心等候。拣咗个金牌豉汁排骨煲仔饭套餐 ($108)，包窝巴煲仔饭、卤肉烫青菜、小食及台式饮品一杯。
一打开煲盖就传来满满饭焦香，真系见到都流晒口水。排骨份量非常之多，而且以瘦排骨居多，肉质粉嫩，入口啖啖肉，搭配灵魂嘅甜豉油，滋味无穷。
青菜爽脆嫩绿，加埋可口嘅卤肉汁，生色不少！酥炸花枝丸金黄香口，而且满有弹性；姜母茶姜味浓郁，饮完全身暖笠笠。
另外点咗个番茄昆布锅套餐 ($128) 包自选肉盘、台湾好丸及时令蔬菜、主食&台式饮料一杯。汤底清香，带番茄嘅鲜甜原味。
美国 Prime 牛颈脊 (+$36) 嘅色泽同纹路都非常漂亮，肉质新鲜，雪花均匀，咬下去有鲜甜牛味，十分可口。
加点嘅澳洲和牛后腿肉眼 ($38) 同 日本鹿儿岛豚梅肉 ($38) 水准亦唔错，前者细致嫩滑、后者富肉香又不膻！
拼盘有燕饺、猪肉丸、贡丸、墨鱼丸、芋头、粟米、萝卜、芋丝、椰菜同生菜等，超级丰富，份量十足。
主食拣咗关庙面，面质弹牙滑溜，食完再叹埋杯蜂蜜咸金橘，生津保健。
张贴
