甜點

营业中

休息中

荃湾食饭， 本来谂住去熊猫酒店度，打边炉食下点心，做个丰富嘅lunch，点知原来已经搬咗， 冇黎咁多年，真系咩都变晒， 唯有揾平食， 去咗对面商场 。我哋叫咗 卡邦尼烟肉忌廉意粉， 大大份好抵食 ，芝士又够足料， 烟肉又多， 意粉煮得啱啱好完全唔会过琳，啱晒口味。 唯一真系要讲嘅， 如果个汁可以再"杰"身一啲，就一流。再黎黑松露蘑菇意粉， 黑松露味唔算得出，但系胜在蘑菇够多，一样都系大大份，味道也不错。饮品一人一杯青柠梳打， 有啲失望， 青柠味唔够重， 半个青柠，笃到手都软都唔够味 ，好在够冻。甜品方面叫咗金公主， 其实就系芒果西米露配炖蛋，新奇有趣估唔到咁好食。 最重要系唔算好甜。 如果知道金公主系芒果西米露， 就唔再乱叫多碗扬枝金露试下其他嘢。但杨枝甘露够足料， 西柚带点苦涩味， 如果系酸酸甜甜 味道更加美味。咸甜两样都唔错 ，估唔到荃湾都有其他好嘢食。