極尚大喜屋 (鱷魚恤中心)

营业中

休息中

极尚大喜屋之前介绍过，刺身选择多而且质素不错又鲜甜。所以今次想多点介绍寿司及其他熟食。寿司小卷都有好多选择，钟意佢细细件，唔会一大旧饭。鲍鱼蟹膏雪昆仑山，海胆手卷，烧三文鱼加州卷，鳗鱼忌廉芝士卷，芝士软壳蟹卷，柚子胡椒左口鱼边，和风黑松露吞拿鱼，都系我每次必点推介。烧物方面，一定要试试西京烧比目鱼及烧鳗鱼。比目鱼嫩滑，烧鳗鱼香脆。另外烧牛舌都非常出色，牛味浓，配上盐烧，一D都唔会肥腻。炸物必选芝麻鸡翼，炸得香滑Juicy!! 金蒜蓉粉丝蒸扇贝都好正，仲黄金焗开边虾：美乃滋加芝士焗虾，啖啖肉，又香喷喷热辣辣。另外今次试咗泰式咖炸软壳蟹，原只软壳蟹非常松脆，泰式咖喱汁椰香味十足，仲配上蒜蓉包。用QR code 点餐环保又方便，可以睇返自己叫咗啲咩食，唔会重复点食物而浪费。不得不提餐厅地方宽躺，也有自助熟食，小食， 饮品，甜品。最钟意系有梅酒，冷热清酒🍶，而且酒精类饮品不用额外收费，真系非常抵食。另外，饮品柜有超过50种以上的饮品，选择真系非常之多。