影片
更多
2022-03-27
1393 浏览
呢两年冇得去旅行但就认认识多咗香港本土嘅文化，并发现咗好多年轻人创业嘅故事。但可惜现今嘅政治/政策都令香港不适宜比年轻人追梦，令商户每日哀叹「我过得并不好，但是我会活著」 。继上次介绍完西环已结业嘅burger店后，突然谂返起同区呢间嘅小店，性质又同佢好似，于是今次就去呢间。 Hohon Eatery 呢个名都有好多个说法，有人话系指「好嘅汉堡包」或系「好汉子」，而餐厅补充咗句个「h」字都系指hk咁解。店舖非常之近香港大学站，唔洗上山落山，位于皇后大道西嘅车流中心，但店舖却系意外地冷清。 西营盘嘅店舖就出咗名细，点知呢间就更加细，只有四/五张枱，但又唔会觉得好迫/要缩埋一旧坐...装修就非常之简洁，以水泥为主，可以见到两位老板嘅手艺。 掀开餐牌，最驰名嘅burger就有三款，有脆嫩鱼堡/脆香鸡堡同多汁牛堡。唔想食包嘅人都可以食意粉，仲有小食/甜品/酒类/cocktail。平日午市附送饮品，学生有九折优惠。 讲开就讲埋，店员嘅态度好nice，就算好似平日唔敢出声嘅我都被店员问「你喺边度黎架？住附近？」如果敢同佢哋开话题，可能会讲到天都黑。 多汁牛堡$106份量就真系唔多，$106坦白讲有
继上次介绍完西环已结业嘅burger店后，突然谂返起同区呢间嘅小店，性质又同佢好似，于是今次就去呢间。
Hohon Eatery 呢个名都有好多个说法，有人话系指「好嘅汉堡包」或系「好汉子」，而餐厅补充咗句个「h」字都系指hk咁解。店舖非常之近香港大学站，唔洗上山落山，位于皇后大道西嘅车流中心，但店舖却系意外地冷清。
西营盘嘅店舖就出咗名细，点知呢间就更加细，只有四/五张枱，但又唔会觉得好迫/要缩埋一旧坐...装修就非常之简洁，以水泥为主，可以见到两位老板嘅手艺。
掀开餐牌，最驰名嘅burger就有三款，有脆嫩鱼堡/脆香鸡堡同多汁牛堡。唔想食包嘅人都可以食意粉，仲有小食/甜品/酒类/cocktail。平日午市附送饮品，学生有九折优惠。
讲开就讲埋，店员嘅态度好nice，就算好似平日唔敢出声嘅我都被店员问「你喺边度黎架？住附近？」如果敢同佢哋开话题，可能会讲到天都黑。
多汁牛堡$106
多汁牛堡
$106
30 浏览
0 赞好
0 留言
份量就真系唔多，$106坦白讲有D贵，又唔系鬼佬size𠮶只，但薯条就唔洗再加钱转set啦，已经包括在内。
面包由餐厅自家制造，同一般brioche/milk bun唔同，呢只系potato bun，其实喺美国系好常见。在面团中加入薯蓉，既有阵薯香或更湿润，又可以发酵得更快，在室温保存得更耐。
餐厅并都加入黑炭入d包度，令颜色更吸引。外皮唔会太干，内外都有烘过。口感软熟香绵，既甜又有牛油香，再有层独特嘅香气，唔会话觉得好斋/无味，我就几钟意。
牛肉产地来至意大利，都有一定厚度，有层焦香嘅脆皮，偏向有咬口。可能系受食物名称嘅影响，又冇想像中咁多汁，但当然唔干啦，可况脂香非常充裕，肉味又几浓厚。
内里仲有一片片嘅烟肉，佢嘅脂肪比例唔多，但估唔到系超级脆，为肉带来口感/咸香。芝士热溶于肉中，呢样我以为系burger嘅基本野却好少餐厅先至做得到。
沙律酱放得好多，同样系自家制，系偏向咸咸地𠮶种但又带有甜味同酸香，味道算系well balanced。再有清洗过而唔刺激嘅紫洋葱，酸瓜同苦茞沙律菜，成个burger分数都唔错。
薯条
23 浏览
0 赞好
0 留言
扭纹薯条颜异常地黄(虽然唔知点解啦)，个人认为可以炸得更耐，唔够金黄香脆，加上呢个价位系唔系应该会有个更好嘅选择呢？
张贴
