小廚港作

营业中

休息中

最近多咗机会去荔枝角觅食，近近地又唔想谂太多，拣咗一间近地铁出口嘅餐厅。平时放饭时间见都有啲人会系呢间餐厅出面排队，而当日我地系下午茶时间帮衬，唔使点等就有位。原来佢下午茶时段啲饭都几平，40蚊有找就有交易，饭量仲要同午市无咩分别，绝对食得饱。由于个日都几肚饿，所以点咗份量较多嘅石锅饭。-石锅香辣菜脯肉碎煎蛋（鱼柳）配蛋炒饭底一上枱就不断听到石锅啲滋滋声，热力十足。呢个饭真系由头热到落尾，差唔多食完个阵都仲系超级热，每啖都要吹几下先放得入口。虽然我系拣蛋炒饭底，但饭入面啲蛋真系太细碎，无乜蛋香。而香辣菜脯肉碎系完全见唔到，同枱都有位叫咗呢个餐，都有同样问题。鱼柳就不过不失，好够热，但味道无乜鱼香，应该都系雪藏鱼。煎蛋就系正常水准发挥。值得一提系石锅好够热嘅缘故，会食到饭焦，令个饭多返少少层次。