翠苑甜品專家 (望隆街)

营业中

休息中

食完饭系餐厅附近散步个时见到呢间糖水铺，9点几见冇乜人又系中式糖水都冇乜兴趣，但最近心底有少少想食芝麻糊，就试下啦~ 睇完餐牌发现主打系炖鲜奶，亦唔觉有纯芝麻糊，于是拣左二合为一既组合。芝麻糊炖鲜奶 ($21)滑嘟嘟既炖鲜奶一舀落去就回弹左下，入口嫩滑有蛋香。 尤其钟意面头凝固成炼奶状、较浆口个浸，就有如肠仔包条肠仔一样咁珍贵。大约半个拳头咁多既芝麻糊唔系开粉货色，但无论芝麻糊定炖奶味道都唔算浓郁，胜在热辣辣滑嘟嘟。大良炖鲜奶 ($21)傻猪先会叫既无馅版本如预期般味道单调又寡，食到一半已经食唔到落去。想问阿姐乞姜汁/姜糖，佢好老实咁话系工场整定哂，厨房只系加热冇呢d野。 最后r左碗蕃薯糖水既姜糖水黎捞下，即时好食左几百倍，亦唔会太甜。 所以推介既系蕃薯糖水，完。可能呢个时段冇乜人，阿姐态度都几诚恳友善，大家有讲有笑，整体而言都系一个愉快既用餐经验。