影片
更多
2016-06-30
1887 浏览
虽然夏天热辣辣，但仍然无损我同家姐想食鸡辣既决心！今次黎到陆陆鸡煲白布街分店一战。正所谓无期望就无失望，但今次系喜出望外！ 餐牌选择非常多，任君选择！一坐底侍应就即刻送上前菜，有车厘菇同螺肉。车厘茄好鲜茄又爽口，螺肉就正常味道但就唔辣。一开始梗系食个招牌陆陆鸡煲先啦！两个人食唔得多，叫左例牌小辣。侍应温馨提示我地唔好掂个煲，等一阵佢地会帮你搞搞佢。煲左三四分钟，侍应搞左两三次后，终于开盖！闻落佢唔太攻鼻，劲多洋葱片（我最爱😍）！食落去唔太辣，但好麻，好有感觉！鸡件啖啖肉，非常入味！食完一啖又一啖，好快就清得七七八八要落汤打边炉啦！餐厅有得拣落清汤定辣汤，家姐顶唔顺话越食越辣，咁就落清汤！手打墨丸滑：有两只色既！黑色个只就好重墨鱼同有墨丸粒系入面，口感较特别！陆陆六宝丸：虾丸D虾胶打得好好，好有质感亦好有虾味！白鱼蛋食落去好滑好弹口，又唔太腥。四宝饺：最正白菜猪肉饺，入面劲多白菜又唔系用肥猪肉整，多菜少肉包成。云吞入面又劲大只虾，又唔算话好大粒，好正好香。陆陆牛三拼：肥牛切得够薄，摆落去烚廿秒，食得！牛柳粒劲重牛味，但要煮耐少少先敢食！自家制响铃：比起来货响铃较大，有六件，但就要烚耐少
餐牌选择非常多，任君选择！
一坐底侍应就即刻送上前菜，有车厘菇同螺肉。车厘茄好鲜茄又爽口，螺肉就正常味道但就唔辣。
一开始梗系食个招牌陆陆鸡煲先啦！两个人食唔得多，叫左例牌小辣。侍应温馨提示我地唔好掂个煲，等一阵佢地会帮你搞搞佢。煲左三四分钟，侍应搞左两三次后，终于开盖！闻落佢唔太攻鼻，劲多洋葱片（我最爱😍）！食落去唔太辣，但好麻，好有感觉！鸡件啖啖肉，非常入味！食完一啖又一啖，好快就清得七七八八要落汤打边炉啦！餐厅有得拣落清汤定辣汤，家姐顶唔顺话越食越辣，咁就落清汤！
手打墨丸滑：有两只色既！黑色个只就好重墨鱼同有墨丸粒系入面，口感较特别！陆陆六宝丸：虾丸D虾胶打得好好，好有质感亦好有虾味！白鱼蛋食落去好滑好弹口，又唔太腥。
四宝饺：最正白菜猪肉饺，入面劲多白菜又唔系用肥猪肉整，多菜少肉包成。云吞入面又劲大只虾，又唔算话好大粒，好正好香。
陆陆牛三拼：肥牛切得够薄，摆落去烚廿秒，食得！牛柳粒劲重牛味，但要煮耐少少先敢食！
自家制响铃：比起来货响铃较大，有六件，但就要烚耐少少。响铃好脆无油益味，总之就好邪恶，食完一旧又一旧。青柠梳打：一Jar两个人分享岩岩好，越摆得耐越有青柠味，梳打就唔算太多气又唔太甜，要黎解辣几好。
其实都系第一次食陆陆鸡煲，但估唔到食物质素比想像中好，似乎冬天又要再黎食过。
张贴
