燉 (已結業)

近排天气干燥,返工午餐时间想饮汤滋润吓。餐厅名单字「炖」有多款炖汤选择， 餐牌上各款炖汤都标示有咩功效， 拣想饮咩炖汤仲可以按功效拣汤！午餐优惠组合，点一个饭加配炖汤可以减8蚊，今日我呢个配搭组合只需79蚊。泰国原个椰皇炖鸡， 原个椰皇浓郁椰皇香甜味，内里汤肉充满椰香，炖汤火喉够不太肥腻。虫草花排骨蒸饭，材料满满，健康虫草花份量颇多，排骨的骨肉分布平均，淋上饭酱油美味度增。食多个甜品再滋润多啲。 鲜奶炖花胶$48绝不马虎，一大片花胶鲜奶甜度恰好，鲜奶仲有小小起胶添，呢个甜品都算落重料。呢个午餐劲满足。