影片
更多
2019-05-22
1208 浏览
最近食大左个胃，成日一谂食咩就食放题⋯发现而家嘅放题真系好多花款，就凭「双放题」呢三个字就吸引左我啦。呢间餐厅主要系做韩牛烧肉同火锅放题，星期六冇咩搞，条街又热，识食梗系食早嘅晚市时段啦，差成$40架！同埋早食早消化，冇咁肥⋯挂⋯呢个时段我哋冇book位都有得直接入，正！餐厅位置都几阔落，我哋两个人都可以坐一张四人台，我哋系算比较早入嚟， 之后陆续都差唔多坐满晒。睇下餐牌先，好多种选择，真系有好多款1++韩牛任食架！不过侍应一开始就讲咗佢哋会送个韩牛拼盘同海鲜拼盘，所以我哋都唔敢嗌太多住。饮品柜都几多选择，值得赞嘅系佢哋有啲一支支自家制嘅茶饮，每支都有一只茶包系入面，同埋用胶樽整，用完之后用返或者回收都比较环保。味道都唔错㗎。钟意饮烧酒嘅朋友留意啦，佢嘅角落有支真露⋯睇唔睇到?先来铺头送嘅1++韩牛拼盘，睇到啲雪花就已经流晒口水～放落个炉嘅瞬间「咋」一声真系好开心，啲肉味系咁攻埋黎，好正呀～～～虽然我唔知自己食紧嘅牛嘅边个部份，但每一块都好有牛味呀！！对于牛魔王嚟讲，系幸福嘅味道呀～～个海鲜拼盘都唔差，有鲍鱼、蛏子、大虾、青口同带子，全部都好大只，同埋烧出嚟系真系鲜甜㗎，一啲都唔腥。重
呢间餐厅主要系做韩牛烧肉同火锅放题，星期六冇咩搞，条街又热，识食梗系食早嘅晚市时段啦，差成$40架！同埋早食早消化，冇咁肥⋯挂⋯
呢个时段我哋冇book位都有得直接入，正！餐厅位置都几阔落，我哋两个人都可以坐一张四人台，我哋系算比较早入嚟， 之后陆续都差唔多坐满晒。
睇下餐牌先，好多种选择，真系有好多款1++韩牛任食架！不过侍应一开始就讲咗佢哋会送个韩牛拼盘同海鲜拼盘，所以我哋都唔敢嗌太多住。
饮品柜都几多选择，值得赞嘅系佢哋有啲一支支自家制嘅茶饮，每支都有一只茶包系入面，同埋用胶樽整，用完之后用返或者回收都比较环保。味道都唔错㗎。钟意饮烧酒嘅朋友留意啦，佢嘅角落有支真露⋯睇唔睇到?
玄米茶
186 浏览
0 赞好
0 留言
1++韩牛拼盘
182 浏览
0 赞好
0 留言
个海鲜拼盘都唔差，有鲍鱼、蛏子、大虾、青口同带子，全部都好大只，同埋烧出嚟系真系鲜甜㗎，一啲都唔腥。重点系，呢啲全部都可以encore任食！钟意食就可以不停食，食到厌为止啦！
海鲜拼盘
147 浏览
0 赞好
0 留言
店舖都送咗另外一个韩式石锅鸡煲，味道不过不失。
韩式石锅鸡煲
82 浏览
0 赞好
0 留言
泡菜：系属于偏酸𠮶种，好啱我口味。
泡菜
68 浏览
0 赞好
0 留言
紫菜包饭：饭嘅比例比较多，同埋一份有四旧，不过佢嘅味道真系做得几正宗，未有肉食之前我就啪晒啦～
紫菜包饭
65 浏览
0 赞好
0 留言
59 浏览
0 赞好
0 留言
47 浏览
0 赞好
0 留言
佢双料放题嘅意思原来系烧烤完之后将个烧烤盘拎走，下面系一个Gas炉，拣好汤底接放个煲落去就得啦。所以如果想打边炉嘅朋友仔要快啲食完烧肉先可以打。
61 浏览
0 赞好
0 留言
我哋拣咗雪浓汤，佢有一只特制嘅打边炉用1++韩牛腿肉同1++韩牛肩肉，个边炉我就为佢地而打架。
50 浏览
0 赞好
0 留言
果然冇令我失望，两只肉牛味都好重，一只仲好肥美，然而我唔知边个打边个，有得食就食架啦～
牛魔王铁证～
43 浏览
0 赞好
0 留言
最后我饱到连雪糕都食唔落，你哋可以去试一试～
其他就唔一一讲啦，大家睇相啦～
总括嚟讲呢间餐厅都值得一试，因为佢啲牛嘅质素系高嘅，牛味好重同埋种类都好多。另外服务都几好，啲侍应会经常性地留意个烧烤盘有冇㶶，仲会主动帮你换唔使你出声，呢度好加分。建议食早啲嘅晚市时段，因为冇咁多人之余又平啲，消化又快啲，感觉又冇咁肥，咁个人就开心啲啦～
张贴
