自家人酒家

营业中

休息中

就刚刚发生，落街去买个烧味饭，比完钱过烧味部比张飞，冇人？跟住见到个师傅厨房拎住个垃圾桶出嚟，未笠垃圾袋，即系刚掉完/换新啦，好喇，见佢换完过嚟睇张飞，就拧转头攞个外卖盒想装饭，心谂，唔系呀？！你完全冇谂住洗手先架？！跟住我就出声喇：师傅，唔该你可唔可以洗洗手先呀？个师傅背住我但见到佢定左定窒一窒，跟住先单手洗佢只左手？！心谂你又嚟？你一洗唔洗两只？！佢都系求其用水冲下，跟住佢拧转面脸同语气都带不满个向样下只左手：拿，洗左啦，洗左啦，得未？限住我出声：师傅你依家好不满呀？！你掂完污糟野你冇意识我要求你洗手先有问题呀？！呢啲基本个人卫生嚟架！跟住佢斩完个双拼，食具入袋后我拎左后，佢都依然系眼超超睥住我走。我平时好少何会投诉，但大佬呀！食肆嚟架！你做烧味系亲手掂到啲食物架！一啲个人卫生意识都冇！都预咗佢悔气咁出品架喇！如果唔见换左呢个烧味师傅，浓眉细眼！我之后都唔会再去帮衬，无错，少我一个唔少。