焼肉スマイル (燒肉smile)

今日我哋下昼去咗食烧肉，拣咗呢间性价比之选，$199一位 90mins真系要推介呢间嚟自台湾嘅烧肉 Smile！话说佢系台湾年销120万份嘅超人气店，仲要喺2022年攞咗网路人气第一名添。今次试咗$199嘅严选套餐，讲真呢个价位喺而家嚟讲真系抵食。未食肉之前，一定要赞下佢嘅沙律自助吧！特别系柚子萝卜，爽口开胃，柚子香清新提神，配搭得啱啱好。自助吧仲有唔少肉类可以自己拣，方便又快捷。讲到重头戏嘅肉类，真系谂起都流口水！😋 美国板腱牛排有三个味出选择：薄盐蒜香、酱烧同韩辣。个人最钟意薄盐蒜香，蒜香够香但唔会盖过牛肉本身嘅味道，肉质嫩滑多汁，唔会死韧。薄切嘅牛肉就更加入味，特别系配埋麻油𠮶款，香喷喷！韩辣味嘅牛角切都值得一赞，辣味够晒韩式风味，又唔会辣到上头，啱晒香港人口味。手切松坂豚就肥瘦适中，烧到啱啱好嘅话，肥肉位会化喺口里面，香而唔漏，正！海鲜类嘅极鲜鲈鱼同白虾都新鲜。鲈鱼肉质结实，白虾够爽弹，配埋特制酱汁就啱啱好食。总结嚟讲，烧肉 Smile 绝对值得一试！食物质素有水准，价钱又够抵食，最重要系肉类选择够多元化，$199啲肉都咁靓🥰