新沙洞大排檔 (大政街)

营业中

休息中

呢间餐厅听就听得多，但系因为喺大角咀唔系太就脚，所以一直都冇去尝试今日屋企人提议去呢间试吓，咁就去睇吓佢咩料啦😂😂话说我哋叫咗个烧鳗鱼，我觉得呢个真系非常之好食。因为其实我本身唔系太食鳗鱼，但系因为去韩国旅行嘅时候试过一次烧鳗鱼觉得非常之好食，所以今次都想喺呢间餐厅试吓。嚟到之后我发现其实佢个味道系非常之贴近我喺韩国食到嘅烧鳗鱼，都系一样非常之爽口，真系唔错。之后我哋嗌咗个炸虾饭卷，其实都OK嘅，而且份量都唔细，但系因为佢有紫苏叶，所以我就麻麻哋跟住个韩式牛肉炒粉丝就同平时食开𠮶啲唔同，因为我哋平时食开𠮶啲系牛肉丝，而佢呢度系一大片牛肉。咁我觉得佢系足料嘅，比牛肉系冇手软，但系屋企人反而觉得咁样一大片好似唔系太地道。另外再嗌咗个海鲜葱饼，呢个我哋就真系一致觉得唔系太好食，因为佢嘅粉好多。个韩式冷面就不过不失啦，始终冇韩国食到嘅咁好食。整体而言就一般啦，因为冇理由为咗个烧鳗鱼走去食嘅。但系佢装修同气氛都唔错，真系有大排档feel 。