甘饕 (已結業)

🔺甘饕 (铜锣湾)今日老公放假同佢出去买bb 衫，顺便呼吸下新鲜空气～谂住食个快饭之后早d 返返屋企睇返个宝贝👶🏻老公想食烧味饭果类，见到呢间出名食烧鹅既餐厅，点知呢餐咁好味😋🔻二人套餐（$338）🔸溏心皮蛋酸姜既酸甜度适中，唔会酸到逐亲，皮蛋流心好靓，连埋酸姜一齐食超夹。🔸甘饕烧鹅一碟烧鹅肥瘦适中，皮香肉嫩，食落去有油脂香但唔会觉得肥腻，烧鹅汁调味岩岩好唔会太浓味抢阻烧鹅味，点少少酸梅酱仲开胃，食完一旧又想食下一旧。🔸卤水猪脚仔猪脚仔入味，皮爽肉滑，唔会太淋有咬口。🔸白灼时菜今日系菜心，菜心劲嫩又多水，蚝油似系自己调过味，食落唔似平时食果d 蚝油咁咸，呢个点菜岩岩好。🔸白饭或粉面拣阻一碗白饭，一碗濑粉，e+濑粉好少地方做，以前最中意烧味配濑粉食～🔸例汤两碗今日系合掌瓜，个汤好浓好足料，饮完唔颈渴，好似住家汤咁好好味。