棋子燒鵝 (金馬倫道)

营业中

休息中

过几日就系圣诞节，每年我都会准备啲小礼物送比屋企人，等大家开心吓🩷 #小秘书 花咗大半日时间shopping，几乎行匀成个尖沙咀，个肚已经饿到打晒鼓😅 又系时候坐低唞一唞！天气咁冻，点都唔可以食件蛋糕就算😅 醒起金马伦道开咗间烧鹅店「棋子烧鹅」，梗系要去朝圣啦😊未入到餐厅，#小秘书 已经被橱窗上嘅 #烧鹅 吸引住👀 嚟得帮衬，当然要encore佢哋驰名嘅 #烧鹅 啦！可惜呢日得我哋两个人，为免浪费，所以只能够叫个「烧鹅例牌」… 不过原来份量都唔少，够晒二人份🤤 #烧鹅 入口有淡淡炭烧香味，味道好有层次感！烧鹅皮脆肉嫩，加上师傅特制嘅调味，令鹅肉嘅味道更加出色🤤🤤 难怪咁多游客千里迢迢都要特登嚟帮衬啦🤩加埋杯 #咸柠七，其实我哋都已经饱得七七八八☺️ 不过见隔篱枱食紧份「常餐」都几足料！加多个常餐我哋两份分… 都唔算过份啫😚 我拣咗 #叉烧米粉 配 #厚多士 拼 #炒蛋 🐣 热辣辣嘅 #汤米粉 加埋 #肥叉 一齐食，可以话系我至爱之一😚 肥嘟嘟嘅 #叉烧 口感淋滑，最重要系入口唔会黐牙🤪 放入口仲有浸淡淡嘅蜜糖味道… 出色！另外佢哋嘅厚多士都做得好软熟，加埋厚厚嘅滑蛋一齐食，口感非常之丰富