阿爺燒鵝餐室 (已結業)

阿妈教落上人地屋企食饭无理由带两梳蕉，于是在呢间阿爷烧鹅餐室斩料加𩠌。店舖细细，位置不多，但样样都齐，我好欣赏佢员工很殷勤和有礼貌，做嘢又爽手，我企系度等外卖短短几分钟，已经人流不绝，可想而知应该质素唔错，所以先咁好生意。我买左只烧鹅脾同半斤叉烧，环保L更系要求「走塑」，佢都好好配合我，员工仲帮忙将饭盒入埋环保袋！赞！估唔到系隔住个饭盒都闻到烧鹅脾的香味，垂涎欲滴！返到去打开个饭盒，哗，只脾都唔细㖞，而且打开饭盒更加香气扑鼻，我唔知佢用炭烧/木烧定咩烧，但闻落去好像炭烧味，而且我钟意佢无乜肥膏，唔会油lum lum，食落仲有好多肉汁，好正呀！至于叉烧，都一样好食，我无特别要求要肥定瘦， 但整体瘦得黎略带丁点肥膏，所以唔会太干和韧，比例刚好！