甜椰坊自家制甜品專門店 (已結業)

今日星期六只需要返半日工，就打算放工后去大埔休闲放松下，顺便同阿妹去果边稳食，大埔比较少去，可以讲人生路不熟，但吃货的世界就系去到边都可以稳到靓嘢食，我地去到都三点几喇，咁就打算稳个地方解决下午茶再周围逛，见到甜椰坊装修都可以就入去稳嘢食喇。芒果乳酪同香蕉船，芒果乳酪放左D脆皮系芒果肉上边，芒果肉系新鲜果肉，唔系罐头，好甜，无咩酸味，果肉都算多，雪糕系原味，都几重奶香味同埋都算滑，同脆皮一齐食，两种味觉，几好。香蕉船分量都几大，一整只香蕉仲有芒果味雪糕球，上面仲铺左D西米同芒果肉，好新鲜嘅水果，雪糕球芒果味好好食，西米都好Q弹，一个甜品有咁多品种，觉得都几抵食，一次食咁多嘢。觉得最好食嘅就系呢个燕窝甜椰喇，用原只椰子来炖燕窝，牛奶同燕窝炖得好香，好够火候，而且好多燕窝，老板好重手，咁舍得放咁多燕窝，完全够两个人分嚟食，牛奶同燕窝好香滑，又唔甜，食完觉得成个人都靓晒。