影片
更多
2005-03-01
3 浏览
同旧老细以及两位旧同事补食新年饭，由于旧老细o既朋友大力推荐呢度，就即管黎一试。其实呢度o既订台时间非常不便，得6:30同8:30两个时段，好似一D私房菜咁，但其实都系普通饭店的叫菜模式，真系唔明点解要有此安排。6:30黎到，个场当然系非常之咁「吉」啦，要到近8点至开始多人─香港人边有咁早收工食晚饭呀？不过由于佢唔系满晒，所以我地坐过8:30都冇赶，服务生o既态度亦谦恭有礼，都几适合谈天说地。四个人都叫左唔少野，由于我最迟到，叫菜由旧老细发板，所以菜名系估估下。共叫左：西洋菜汤、招牌熏鸡、五柳鱼、苦尽甘来﹝即凉瓜咸蛋黄炒肉松﹞、红炆海参、珍珠鸡﹝老细朋友强力推荐，话一人一件会唔够食咁话﹞同上汤浸芥兰。个西洋菜汤系一盅盅咁上o既，煮得好「溶」，好清甜。招牌菜o既熏鸡上台卖相已经好靓，皮光肉滑，再加左两片玫瑰花瓣，算系有D造型。熏鸡皮入口微脆，充满茶香，鸡肉亦算嫩滑，不愧系招牌菜。五柳鱼D汁多到好似汤浸咁，个人而言就比较钟意汁同鱼o既比例平衡番D，而且太多汁令到鱼的表面好快就唔脆。唔知用ｏ既系咩鱼，略有腥味，结果大家都冇食皮。个五柳汁味道都可以，而且唔会太厚献，酸酸甜甜，几开胃的。个凉瓜咸
四个人都叫左唔少野，由于我最迟到，叫菜由旧老细发板，所以菜名系估估下。共叫左：西洋菜汤、招牌熏鸡、五柳鱼、苦尽甘来﹝即凉瓜咸蛋黄炒肉松﹞、红炆海参、珍珠鸡﹝老细朋友强力推荐，话一人一件会唔够食咁话﹞同上汤浸芥兰。
个西洋菜汤系一盅盅咁上o既，煮得好「溶」，好清甜。招牌菜o既熏鸡上台卖相已经好靓，皮光肉滑，再加左两片玫瑰花瓣，算系有D造型。熏鸡皮入口微脆，充满茶香，鸡肉亦算嫩滑，不愧系招牌菜。五柳鱼D汁多到好似汤浸咁，个人而言就比较钟意汁同鱼o既比例平衡番D，而且太多汁令到鱼的表面好快就唔脆。唔知用ｏ既系咩鱼，略有腥味，结果大家都冇食皮。个五柳汁味道都可以，而且唔会太厚献，酸酸甜甜，几开胃的。个凉瓜咸蛋黄炒肉松都几好味，咸蛋黄ｏ既香味同苦瓜ｏ既甘味非常搭调，系唔错的一味家常菜。个红炆海参都几够火侯，炆得好腍好入味，旧老细赞不绝口，我就觉得可以再好D。珍珠鸡都叫好食，不过冇咩特别啰。上汤浸芥兰﹝我估系上汤浸咋﹞有蒜子同瑶柱，清清淡淡，菜亦甘爽，唔错。
食到呢度，其实已经好饱，不过大家久未见面，倾倾讲讲，唔叫甜品好似少左D野咁，所以都叫左两盅参须元肉糖水同一份三件o既煎马蹄糕。个糖水真系好有参味，几好。马蹄糕煎得略油，但面脆脆的，食落都唔错。
整体黎讲，呢度o既食物水准都唔错，环境亦几企理，服务亦唔错。不过上菜速度实在太快，张台简直放唔落，菜未食到一半都已经冻晒啦，呢一点要改善一下。以我地叫o既份量计，价钱都唔贵。味道果4分系俾个熏鸡o既，其他食物系3分水准啦。
张贴