劉興記生煎包專門店

营业中

休息中

刘兴记开左一段时间，仲有热潮，星期六6:30到都好多人! 今日叫左套餐，葱油鸡扒汤面会搭多只生煎包，呢D餐好岩想食面又想试下生煎包既人! 留意到座位墙边仲话豆浆可以任加，而且生煎包唔够热都可以换，感觉好有诚意。葱油鸡扒汤面鸡扒炸到好香脆，鸡肉嫩滑，本身调味好够，好食! 汤面比较清淡，唔会太浓味，感觉好健康，如果想食重口味D，仲可以加埋佢既辣椒酱，都唔错。招牌生煎包外皮好脆口，咬入去爆汁，内面就系软淋淋既面包口感，肉馅好大旧，食到最后都keep住咁juicy!蟹黄生煎包蟹膏份量好多，食落好鲜味。豆沙窝饼次次黎我都会食，色泽金黄、外面香脆烟韧、甜而不腻。