金酒屋

营业中

休息中

金龙珠海胆吞拿鱼蓉卷($158)，店家既创新菜式，海胆和吞拿鱼蓉都食过，但用温泉蛋蛋黄腌制就第一次食到，蛋黄黏黏既质感，配合海胆既顺滑，两者互相中和， 整件放晒入口食口感层次丰富。日式金柑帆立贝刺身($188)，帆立贝好新鲜而且非常滑溜，金柑食落开头有少少甜味之后会微苦甘香，我觉得哩道菜式有助开胃。金糖盒海胆三文鱼籽日式豆腐($158)，用个好靓既透明盛器盛载食物，卖相已经赢左，海胆好顺滑，配埋威化饼一齐食就好似雪糕一样，顶层放左鱼子酱令味道更升华，垫住威化饼既系棉花糖，都可以连埋海胆一齐食，甜甜地都几好食。粟米脆饼寿司海胆三文鱼籽($138)，三道菜都有我至爱既海胆，我真系一个海胆控，哩道菜既海胆简直系重量级，差唔多铺满顶层，不过粟米饼硬身，食既时候碎片散落较为狼狈，个人认为如果用紫菜包住会比较好。厚烧牛舌心($58)、安格斯牛肋肉($58)、严选松板猪颈($58)、自家制鸡皮虾($58)，牛舌心油脂非常多，而且好爽口，加上左胡椒更惹味，另外鸡皮虾确实眼前一亮，鸡皮烧得好香脆，包住爽口弹牙既虾。恋丼月见特厚烧牛舌三文鱼籽($238)，平时薄切或厚切既牛舌都食过，但这个超级特厚烧牛舌真