Applegreen (已結業)

间唔中平日嘅夜晚都会想食下好西，今晚决定左去食西野，见到Applegreen 个晚餐有晒汤、前菜、主菜同埋野饮，价钱又唔算特别贵，所以最终俾佢吸左入去。叫左一个二人餐，店员自动波上餐汤。前菜拣左一个鸡沙律同埋柚子蜜鸡翼。沙律味道都几清新，面头白式脆卜卜好似炸粉丝嘅物体几香口，唔错。柚子蜜鸡翼已经拆开左做一条骨，方便食，味道酸酸甜甜好开胃。蜜瓜火腿薄饼食物左好几次，蜜瓜好清新，薄饼好香脆，脆到好似食饼干咁，加埋火腿嘅咸味，出奇地好夹。反而呢个香辣嘅意粉比想像中辣好多，唔食得辣就真系唔好拣佢喇！总结，野食嘅份量都算大份，两个人食二人餐真系会爆肚！！