心燒食堂

营业中

休息中

呢间又系 book mark 咗好耐，今日终于有机会一试。首先一定要介绍呢个两𩠌爆胆丼，想食要预订，碗仔细细，但海胆劲多又鲜味，捞埋只日本鸡蛋（朋友唔食所以另上），真系欲罢不能。唯一可惜系冇咗三文鱼籽，唔知系咪缺货？不过斋食海胆都好满足😋。跟住就系几款烧物，包括特级牛脷芯，猪颈肉伴柚子汁，盐烧心烧鸡翼同烧冬菇，样样都高质，牛脷芯同猪颈肉够 juicy，鸡翼烧得够香口，冬菇就正常发挥，烧完唔会太干，好食。再之后系几款小食甜品，包括烧芝士年糕饼，烧菠萝同烧芝麻汤圆。芝士年糕饼芝士味劲浓郁，绝对有惊喜；烧菠萝系呢度嘅名物，又甜又 juicy；芝麻汤圆都几有趣，外形劲似烧墨鱼丸😹，味道都唔错，如果可以整到佢流心就更加好（我认我好贪心😎）。朋友唔饮酒，所以我叫咗杯 mocktail，呢杯 Baby Bellini 有桃片，橙汁，柠檬汁同姜啤，对于我嚟讲实在太甜，下次可能叫梳打类较好。最后必须一提，呢度嘅服务认真好，打电话同佢哋沟通过两次，两次都非常有礼，值得一赞👍。