Sweet Monster (已結業)

旺角实在离Ss太远………直到以家先有机会嚟会一会佢～～虽然有好多人对佢嘅评价麻麻地，不过Ss一早已经好想食，所以唔食过系唔会心息嘅！本来想食焦糖爆谷雪糕，但Ss男友觉得价钱一样，试多只味值啲，所以就拣咗啲个。雪糕溶得几快，所以食得有啲急。老老实实，Ss好钟意食焦糖爆谷，愈甜愈好，所以IFC间爆谷店系Ss飞佛。相比起个间爆谷，sweet monster 嘅焦糖爆谷冇咁甜，不过对一般人嚟讲已经好甜，所以视乎你对焦糖嘅喜爱度因人而异。芝士爆谷都几咸下，质地soft 啲，不过Ss本身唔钟意咸爆谷，加埋啲雪糕又甜又咸就觉得怪怪地。成杯雪糕超多爆谷，食到底都仲有，爆谷先系主角，不过混堆雪糕腍咗，口感差啲。可惜雪糕本身唔系好出味，雪糕车嘅雪糕好食过佢多多声，下次嚟买爆谷就好了，$29一盒好似唔系好贵。