吉利尼 (已結業)

芸芸星马菜连锁店中，吉尼利是我心中的最爱。无论系食物、价钱、服务都系第一的。尖东分店最方便，食过几次，今日入到屯门又再食佢。 睇睇餐牌，加左几款新野。叫左两个set lumch。马来米暹做得唔错。米粉质地唔会太淋，有咬口。四大件虾肉尚算爽口。最爱嘅豆卜已配上洋葱粒甜酱汁，豆卜索哂d 汁，正呀！捞米个款酱就少少辣，相当惹味！ 另外一试新野，香茅猪扒饭。即叫即煎，都要等一阵。 两大块猪扒大过你块面呀！猪扒好香，煎得香脆干身，肥膏唔多，唔油腻。配上两款酱，点豉油就几夹，但另外个只似系海南鸡嘅朋友多d。最后一定要加钱食咖椰多士喇！不过依家贵左，要$12。 个咖椰酱落得够哂多，由于唔系太甜，所以绝对食得哂。个酱好香，有少少似奶黄味咁，夹上一块牛油，就算罪恶感标食都要食呀！一如以往，一杯热淡奶奶茶。 记住哩到会帮你加埋糖，所以怕甜就一定要叫少甜。哩到无加一，餐具都系自己拎。但系哩到我感受到加一嘅服务。要求加酱料，待应好快送上。收拾枱面时亦十分礼貌。最后见我饮完奶茶，帮我收左杯后仲送上热水一杯。吉尼利，我点可以唔爱你呢！